Turkiyadagi Bodrum qadimiy teatri

Bodrum qadimiy teatri yoki qisqacha Qadimiy teatr — Klassik Antik davrda, satrap Mausol hukmronlik qilgan miloddan avvalgi 4-asrda qurilgan va Turkiyaning Bodrum shahrida joylashgan teatr binosidir. Bodrum shahar markazining shimolida joylashgan teatr Anadolu qadimgi teatrlaridan biri hisoblanadi. 1970-yillarda bir guruh turklar tomonidan ta’mirlangan teatrning so’nggi restavratsiyasi Bodrum hokimiyati, Ericsson va Turkcell hamkorligida amalga oshirilgan. Bugungi kunda bino Bodrumda o’tkaziladigan ko’plab madaniy tadbirlarga mezbonlik qilmoqda. Teatrning qiziqarli xususiyatlari qatoriga tomoshalardan oldin Dionis sharafiga qurbonliklar keltirilgan mehrob hamda ehtimol soyabon sifatida ishlatilgan ba’zi o’rindiqlar orasidagi teshiklar kiradi. Cavea qismida har bir o’rindiq orasida 40 santimetr masofa qoldirilgan bo’lib, teatr 13.000 kishilik sig’imga ega va pastda 30 ta hamda yuqorida 25 ta bo’lib jami 55 qatordan iborat. Teatrdagi o’rindiqlar qatorlari tikiga 11 ta zinapoya yordamida 12 ta bo’limga bo’lingan.